बाँकेमा तीन जना कोरोना सङ्क्रमित थपिए

नेपालगन्ज  । बाँकेमा आज तीन जना कोरोना सङ्क्रमित थपिएका छन् ।

भेरी अस्पताल नेपालगन्जमा गरिएको परीक्षणमा खजुरा गाउँपालिका वडा नम्बर ४ का ३८ वर्षीय र ७ का १५ र ३० वर्षीय पुरुषमा सङ्क्रमण पुष्टि भएको हो ।  योसँगै बाँकेमा सङ्क्रमितको सङ्ख्या दुई सय ७० पुगेको छ ।

हालसम्म ५० जना निको भएर घर फर्किँदा एक  जनाको भने मृत्यु भइसकेको छ । भेरी अस्पतालका अनुसार आज गरिएको परीक्षणमा रोल्पाका २ र बर्दियाका एक जनामा पनि सङ्क्रमण देखिएको छ ।

रोल्पाको सुनिल स्मृति गाउँपालिका वडा नम्बर ५ का २० र २७ वर्षीय पुरुष तथा बर्दियाको गुलरिया नगरपालिका वडा नम्बर ३ का १९ वर्षीय पुरुषमा सङ्क्रमण पुष्टि भएको हो ।