पाल्पाको रामपुरमा एक पुरुषको शव फेला

पाल्पा । पाल्पाको रामपुर नगरपालिका–४ मा एक पुरुषको शव फेला परेका छ । रामपुर क्षेत्रमा मजदुरी गर्दै आएका अन्दाजी ५५ वर्षीय पुरुष मृत अवस्थामा भेटिएका हुन् ।

उनी बस्दै आएको घर पछाडि मृत अवस्थामा फेला परेको इलाका प्रहरी कार्यालय रामपुरका प्रहरी निरीक्षक भीम बहादुर कार्कीले जानकारी दिनुभयो ।

मृतकको घर रोल्पा भनिए पनि हालसम्म नाम थर र ठेगाना केही खुल्न नसकेको प्रहरीले जनाएको छ ।

मजदुरीको क्रममा रामपुर आएका उनी ४ वर्षदेखि विष्णुदेवी आचार्यको पुरानो घरमा बस्दै आएका थिए ।

शवको पोस्टमार्टमका लागि रामपुर अस्पतालमा राखिएको छ ।