दलित तथा विपन्नको अवस्थामा परिवर्तनविना देशको अवस्थामा परिवर्तन कठिन : अध्यक्ष यादव

जनकपुरधाम । जनता समाजवादी पार्टी (जसपा) नेपालका अध्यक्ष उपेन्द्र यादवले दलित, विपन्न तथा पछाडि पारिएका वर्गको उन्नति विना देशको समृद्धि कठिन हुने बताउनुभएको छ ।

दलित, पिछडा वर्ग, थारु, आदिवासी र अल्पसङ्ख्यक समुदायको परिसंघको आयोजनामा आज जनकपुरधाममा सम्पन्न अन्तरक्रिया कार्यक्रममा अध्यक्ष यादवले नेपालमा दुई तिहाइ जनसङ्ख्या भएको यो समुदायको शिक्षा, स्वास्थ्य तथा रोजगारीमा समुचित सहभागिता विना देश समृद्ध हुन नसक्ने बताउनुभयो । 

अध्यक्ष यादवले मुलुकमा लोकतान्त्रिक शासन व्यवस्था आएपछि ठुला पार्टीहरूले अधिकांश समय शासन सत्तामा भए पनि दलित, पिछडिएको वर्ग, थारु, मुस्लिम तथा आदिवासीको अवस्थामा खासै परिवर्तन नआएको आरोप लगाउनुभयो ।