समितिद्धारा ग्यालरी बैठकको निरीक्षण 

काठमाडौँ । राष्ट्रियसभाको सार्वजनिक नीति तथा प्रत्यायोजित विधायन समितिले मर्मत भइरहेको पुरानो प्रतिनिधि सभा भवन अर्थात् ग्यालरी बैठक कक्षको निरीक्षण गरेको छ । 

समितिका सभापति मायाप्रसाद शर्माको नेतृत्वमा समितिका सांसदहरू, पुरातत्त्व विभाग, शहरी विकास निर्माण विभागका पदाधिकारी र सञ्चारकर्मीसहितको टोलीले आज ग्यालरी बैठकको निरीक्षण गरेको हो । 

त्यसअघि बसेको समितिको बैठकमा निर्माणाधीन सङ्घीय संसदभवन र मर्म भइरहेको ग्यालरी बैठकको कार्य प्रगतिका सम्बन्धमा छलफल भएको थियो । 

छलफलमा विशेष भवन निर्माण समन्वयन आयोजनाका प्रमुख सुनिलकुमार ठाकुरले पुरानो संसदभवनको मर्मत गर्ने कार्यको २५ प्रतिशत भौतिक र २२ प्रतिशत वित्तीय प्रगति भएको जानकारी दिनुभयो । 

आयोजना प्रमुख ठाकुरले  सिंहदरबारस्थित पुतली बगैँचामा निर्माणाधीन सङ्घीय संसद् भवनको ८६ प्रतिशत काम सम्पन्न भइसकेको र यही पौष १६ गते निर्माण सम्पन्न गरिने सम्झौताअनुसार काम भइरहेको समितिलाई जानकारी गराउनुभयो । 

समितिको बैठकमा सांसदहरू युवराज शर्मा, श्रीकृष्णप्रसाद अधिकारी, सुमित्रा बिसीलगायतले नयाँ र पुरानो संसद् भवन निर्माणको काम समयमै सक्नुपर्नेमा जोड दिनुभयो । 

बन्दै गरेको सङ्घीय संसद् भवनलाई अपाङ्गता र महिलामैत्री बनाउन सांसदहरूले सुझाव दिनुभयो । 

उहाँहरूले भवनमा सजावटका लागि प्रयोग गरिने सामनाहरू नेपालमै उत्पादन भएका हुुुनुुपर्नेमा पनि जोड दिनुभयो