‘खखडेहरा पर्व राना थारु समुदायमा सुमधुरता ल्याउने पहिचान बोकेको पर्व’

धनगढी । सुदूरपश्चिम प्रदेशका प्रदेश प्रमुख नजिर मियाँले खखडेहरा पर्व राना थारु समुदायमा आपसी भाइचारा मिलन, सद्भाव र सुमधुरता ल्याउने पहिचान बोकेको पर्व भएको बताउनुभएको छ । 

खखडेहरा पर्व २०८१ को अवसरका आज शुभकामना सन्देश दिनुहुँदै उहाँले खखडेहरा पर्वले राष्ट्रियतालाई मजवुद बनाउन महत्वपूर्ण भूमिका रहेको बताउनुभयो ।

‘खखडेहरा पर्वले सबैमा नयाँ उत्साह सुख, शान्ति, समृद्धि र उमङ्ग छर्दै न्यायपूर्ण सभ्य सुसंस्कृत र प्रगतिशील समाज निर्माणमा अग्रसर हुने प्रेरणा प्रदान गरोस् भन्ने कामना गर्दछु’ प्रदेश प्रमुख मियाँले भन्नुभएको छ ।

यसैगरी मुख्यमन्त्री कमल बहादुर शाहले खखडेहरा पर्वको शुभकामना सन्देश दिनुहुँदै पर्वले रानाथारु समुदायमा सुख, शान्ति, समृद्धिको कामना गर्नुभएको छ ।

कैलाली र कञ्चनपुरमा बसोबास गर्ने राना थारु समुदायले एक महिना लामो होरी पर्वको समापनका रुपमा मनाउने गर्दछन् । खखडेहरा पर्वको अवसरमा आज प्रदेश सरकारले सार्वजनिक बिदा दिएको छ ।