गाडीको ठक्करबाट देउखुरीमा एकको मृत्यु 

दाङ । कुखुरा बोक्ने गाडीले ठक्कर दिँदा देउखुरीमा एक जनाको मृत्यु भएको छ । मृत्यु हुनेमा बबई गाउँपालिका -३ पुरन्धारा बस्ने वर्ष ४५ की फुलबारी चौधरी रहेको वडा प्रहरी कार्यालय लमहीका प्रहरी निरीक्षक प्रकाश भुसालले जानकारी दिनुभएको छ ।

आज बिहान ११:५० बजेको समयमा सतबरियादेखी लमहीतर्फ जाँदै गरेको लु ३ च ३०९० नम्बरको ब्रोइलर कुखुरा बोक्ने गाडीले ठक्कर दिएको प्रहरीको भनाई छ ।

दाङको पुरन्धाराबाट लमही नगरपालिका – ७ कप्तानगन्ज आफन्तकोमा आएर घर फर्किनका लागि उनीहरूले सडक किनारमा बस कुरेर बसेका थिए ।

घाइते हुनेमा लमही नगरपालिका -७ नयाँ बस्ती बस्ने वर्ष ६२ की फुलपतिया चौधरी र सोही ठाउँ बस्ने बर्ष ६५ की उदेसनी चौधरी रहेका छन् ।