प्रधानमन्त्री ओली माघ ११ गते पाल्पा आउनुहुने, सिद्धबाबा सुरुङ्गमार्ग ‘ब्रेक थ्रु’ गरिने

पाल्पा । प्रधानमन्त्री केपी शर्मा ओली माघ ११ गते पाल्पा आउनुहुने भएको छ। प्रधानमन्त्रीको निजी सचिवालयकाअअनुसार प्रधानमन्त्री ओली यस दिन सिद्धबाबा क्षेत्रमा निर्माणाधीन सुरुङ्गमार्गको ‘ब्रेक थ्रु’ कार्यक्रममा सहभागी हुनुहुनेछ ।

यसका साथै, उहाँले नवनिर्मित दुई गाउँपालिकाका भवनहरूको उद्घाटन गर्ने कार्यक्रम पनि तय गरिएको छ। प्रधानमन्त्री ओलीले बगनासकाली गाउँपालिका र तिनाउँ गाउँपालिकाका कार्यालय भवनहरूको उद्घाटन गर्नुहुनेछ।

प्रधानमन्त्री ओली बिहान १० बजे हेलिकप्टरमार्फत् काठमाडौंबाट बगनासकाली गाउँपालिका प्रस्थान गर्ने कार्यक्रम छ। बिहान ११ः १५ बजे बगनासकाली गाउँपालिकाको प्रशासकीय भवन उद्घाटन गरेपछि, उहाँ सिद्धबाबा सुरुङ्गमार्गको ‘ब्रेक थ्रु’ र तिनाउँ गाउँपालिकाको प्रशासकीय भवन उद्घाटन गर्ने कार्यक्रम रहेको बताइएको छ ।