ह्युमपाइप राख्न खनिएको खाल्डोमा  मोटरसाइकल दुर्घटना, एक जनाको मृत्यु, एक घाइते

वीरगञ्ज । पर्साको पटेर्वासुगौलीमा मंगलबार राति ९ बजे भएको मोटरसाइकल दुर्घटनामा एक युवकको मृत्यु भएको छ । उक्त दुर्घटना अर्का एक युवक गम्भीर घाइते भएका  छन् । मृत्यु हुनेमा सखुवा प्रसौनी गाउँपालिका वडा नम्बर २ जमुनियाका २३ वर्षीय सुदर्शन चौधरी रहेका छन् । पटेर्वा सुगौलीमा ह्युमपाइप राख्न खनिएको खाल्डोमा मोटरसाइकल खसेको हो ।

पटेर्वा सुगौली गाउँपालिका वडा नम्बर ४ कर्बोला चोकको सडकमा ह्युम पाइप राख्नका लागि खनिएको खाल्डोमा मंगलबार राति पथरैयाबाट पचगावा जाने क्रममा ना २८ प ३८१९ नम्बरको एफजेड मोटरसाइकल खस्दा मोटरसाइकल पछाडि बसेका दिपेन्द्र चौधरी गम्भीर घाइते भएका स्थानीय सञ्चारकर्मी रामकिशोर चौधरी थारुले जनाउनुभएको छ । उनीहरू माघीको कोसेली लिएर आफन्तको घर जाँदै थिए ।

दुर्घटनामा गम्भीर घाइते भएका मोटरसाइकल चालक जमुनियाकै २४ वर्षीय दिपेन्द्र चौधरीको एलएस न्युरो अस्पतालमै उपचार भइरहेको ईलाका प्रहरी कार्यालय पटेर्वा सुगौलीले जानकारी दिएको छ ।

 घटना बारेमा अनुसन्धान भइरहेको ईलाका प्रहरी कार्यालय पटेर्वा सुगौलीका प्रहरी निरीक्षक प्रकाश थापाले जानकारी दिनु भयो ।