मधेश र बागमती बीचको खेल बराबरीमा सम्पन्न

जनकपुरधाम । जनकपुरधाममा आज सम्पन्न भएको जय ट्रफी एलिट कप अन्तर्गतको पहिलो खेलमा मधेश प्रदेश तथा बागमती प्रदेश बीचको खेल बराबरीमा सकिएको छ ।

पहिलो दिनको खेलमा बागमती प्रदेशले ३५.३ ओभरमा १ सय ५० रन बनाएको थियो । पहिलो खेलमा मधेशलाई ४८ रनले पछाडि पारेको मधेशले दोस्रो दिनको खेलमा निक्कै शानदार प्रदर्शन गरेर ४३.२ ओभर खेल्दै ९ विकेटको क्षतिमा २११ रन बनायो ।

दोस्रो दिनको खेलमा मधेश प्रदेशले बागमती प्रदेशलाई १६४ रनको लक्ष्य दिएको थियो । बागमतीले २० ओभरको खेल खेल्दै ६ विकेटको क्षतिमा ९७ रन बनाएको थियो । समय सकिएकाले खेल बराबरीमा सकिएको हो ।

मधेशले दोस्रो इनिङमा ओपनर व्याट्स म्यान मयन यादवले शतकीय पारी खेलेका छन् । उनले १०६ रन बनाएर यस टुर्नामेन्टमा शतक बनाउने पहिलो खेलाडी बनेका छन् ।