मोटरसाइकल दुर्घटनामा प्रहरी जवानको मृत्यु
दाङ । दाङमा मोटरसाइकल दुर्घटना हुँदा एक जना प्रहरी जवानको मृत्यु भएको छ।
लमही नगरपालिका वडा नम्बर ७ का २६ वर्षीय प्रहरी जवान गणेश चौधरीको मोटरसाइकल दुर्घटनामा परी मृत्यु भएको जिल्ला प्रहरी कार्यालयका प्रवक्ता डिएसपी ईश्वर थापाले जानकारी दिनुभएको छ।
चौधरी वडा प्रहरी कार्यालय लमहीमा कार्यरत थिए। वडा प्रहरी कार्यालयले काममा खटाएका चौधरीको लमही वडा नम्बर ७ स्थित खोलामा मोटरसाइकल दुर्घटनामा परेको थियो।
सोमबार बेलुकी सवा आठ बजेतिर उनी दुर्घटनामा परेका थिए। उद्धार गरी लमही अस्पतालमा पुर्याएको केही बेरमै चिकित्सकले उनलाई मृत घोषणा गरेका थिए।
प्रतिक्रिया राख्नुहोस्