मोरङको ग्रामथानमा ७१ प्रतिशत मतदान

मोरङ । मोरङको ग्रामथान गाउँपालिकाको अध्यक्ष पदका लागि भएको उपनिर्वाचनमा ७१ प्रतिशत मतदान भएको छ ।

सहायक निर्वाचन अधिकृतका रामराजा पौडेलका अनुसार तोकिएको समय अवधिभित्र १८ हजार ५७७ जनाले मतदान गरेका हुन् ।

ग्रामथानमा २६ हजार ४४ मतदाता रहेका थिए । १२ मतदान स्थलका २९ मतदान केन्द्रमा भएको मतदानमा ७१.३३ प्रतिशत मतदान भएको हो ।

बिहान ७ बजेदेखि सुरु भएको मतदान शान्तिपूर्ण रुपमा सम्पन्न भएको निर्वाचन आयोगले जनाएको छ । मतपेटिका सङ्कलनको काम सुरु भएको जानकारी दिँदै पौडेलले आजै रातिबाट मतगणना सुरु हुने बताउनुभयो ।