अध्यक्ष दाहालद्वारा दिवङ्गत पूर्वसभामुख ढुङ्गानाप्रति श्रद्धान्जलि अर्पण 

काठमाडौँ ।  नेकपा (माओवादी) केन्द्रका अध्यक्ष पुष्पकमल दाहाल प्रचण्डले दिवङ्गत पूर्वसभामुख एवं नागरिक आन्दोलनका अगुवा दमननाथ ढुङ्गानाप्रति श्रद्धान्जलि व्यक्त गर्नुभएको छ । 

हिजो दिवङ्गत हुनुभएका नेपालको लोकतान्त्रिक आन्दोलनका महत्त्वपूर्ण व्यक्तित्व, पूर्व सभामुख एवं मानवअधिकार तथा नागरिक आन्दोलनका अगुवा ढुङ्गानाको पार्थिव शरीर राखिएको स्थान ज्ञानेश्वर, सानाेगौचरमा पुगेर अध्यक्ष दाहालले पुष्पगुच्छा सहित श्रद्धान्जलि अर्पण गर्नुभएको हो । 

केही समयदेखि अस्वस्थ रहनु भएका पूर्वसभामुख ढुङ्गानाको बानेश्वरस्थित फ्रन्टलाइन अस्पतालमा उपचारको क्रममा  ८३ वर्षको उमेरमा आइतबार दिउँसो निधन भएको थियो । सानो गौचरनमा श्रद्धाञ्जलीपछि पशुपति आर्यघाटमा उहाँको राजकीय सम्मानका साथ अन्त्येष्टि गरिनेछ ।