दुई क्विन्टल गाँजासहित चालक र ट्रक प्रहरी नियन्त्रणमा

जनकपुरधाम । धनुषा प्रहरीले लागूऔषध गाँजासहित ट्रक एवं चालकलाई पक्राउ गरेको छ । पक्राउ पर्नेमा मकवानपुरको भिमफेदी गाउँपालिका–२ का २४ वर्षीय प्रकाश लुङ्वा रहेको जिल्ला प्रहरी कार्यालय धनुषाले जनाएको छ ।

आज साँझ करिब साँढे ५ विशेष सूचनाको आधारमा जिल्ला प्रहरी र वडा प्रहरी कार्यालय, मुजेलियाबाट खटेको प्रहरी टोलीले जनकपुरधाम उपमहानगरपालिका नंं १४ बाबा आयल सेन्टरको अगाडिबाट २ क्विन्टल २१ केजी ३८ ग्राम गाँजासहितको ट्रक पक्राउ गरेको धनुषाका प्रहरी प्रमुख प्रहरी उपरीक्षक भुवनेश्वर तिवारीले जानकारी दिनुभयो ।