डडेल्धुरामा चट्याङ लागेर एक जनाको मृत्यु

डडेल्धुरा । डडेल्धुरामा  चट्याङ लागेर एक युवाको मृत्यु भएको छ ।

जिल्लाको परशुराम नगरपालिका १० बागथलीका अन्दाजी ४० वर्षीय अम्मरबहादुर  विष्टको मृत्यु भएको वडाध्यक्ष राजकुमार भाटले जानकारी दिन भयो ।

आइतबार बाख्रा चराउन स्थानीय धरमपानी सामुदायिक वनमा गएका बिष्ट साँझ घर नफर्किँदा स्थानीयले खोजी गरेका थिए । विष्ट आज बिहान सोही जङ्गलमा मृत फेला परेको वडाध्यक्ष भाटले बताउनुभयो ।

अहिले इलाका प्रहरी कार्यालय जोगबुडाबाट प्रहरीको टोली घटनास्थल पुगिसकेको उहाँले बताउनुभयो ।