न्याय परिषद्का नव नियुक्त सदस्य निराला सर्वसम्मत अनुमोदित

काठमाडौँ । संसदीय सुनुवाई समितिको बैठकले न्याय परिषदमा नव नियुक्त सदस्य अधिवक्ता लक्ष्मिप्रसाद निराला खड्कालाई सर्वसम्मत रुपमा अनुमोदन गरेको छ ।

सिंहदरबारमा आज बसेको बैठकमा संसदीय सुनुवाई समिति समक्ष प्रस्तुत हुदैँ  अधिवक्ता निरालाले न्याय क्षेत्रको बिश्वस्वनीयता वृद्धिका लागि आफू सदैव क्रियाशिल रहेको बताउदै न्याय परिषदलाई स्वच्छ र पारर्दशी बनाउन लागिपर्ने बताउनुभयो ।

उहाँले बिकृति र विसंगतीका विरुद्धको लडाईमा आफू नडगमगाउने प्रतिवद्धता पनि व्यक्त गर्नुभयो । प्रधानमन्त्री केपी शर्मा ओलीले अधिवक्ता लक्ष्मिप्रसाद निराला खड्कालाई न्याय परिषद सदस्यमा नियुक्त गर्नुभएको हो ।