ब्राजिलका मुख्य भवनहरू कब्जा गर्न खाेज्ने १५०० बोल्सनारो समर्थक पक्राउ 

काठमाडौं । ब्राजिलको राजधानी ब्रजिलियास्थित राष्ट्रपति भवन, संसद भवन र सर्वोच्च अदालतलाई कब्जा गर्न खोज्ने १५०० भन्दा बढी पूर्व राष्ट्रपति जायर बोल्सनारो समर्थकलाई त्यहाँको प्रहरीले पक्राऊ गरी कारबाही अघि बढाएको छ । 

जनवरी १मा नयाँ राष्ट्रपति लुइज इनासियो लुला डा सिल्भाले पदभार ग्रहण गरेको एक साता नबित्दै पूर्व राष्ट्रपति बोल्सनारो समर्थमकहरुले ब्राजिलका मुख्य भवनहरू कब्जा गर्न खोजेका थिए । 

राष्ट्रपति लुलाले उक्त घटनालाई आतङ्ककारी क्रियाकलापको संज्ञा दिँदै दोषीलाई कडा कारबाहीको चेतावनी दिनुभयो । 

पूर्व राष्ट्रपति बोल्सनारो पेट सम्बन्धी रोगका कारण अमेरिकाको फ्लोरिडास्थित एक अस्पतालमा उपचाररत हुनुहन्छ ।