शङ्कास्पद अवस्थामा युवक मृत फेला

चितवन । चितवनमा एक युवक शङ्कास्पद अवस्थामा मृत फेला परेका छन् ।माडी नगरपालिका वडा नम्बर ४ धुसेरीका बर्ष ३२ का जीवन नेपाली आफ्नै घरमा मृत अवस्थामा फेला परेका हुन् ।

जिल्ला प्रहरी कार्यालय चितवनका अनुसार आज राती १ बजे उनी आफ्नै घरमा मृत अवस्थामा रहेको जानकारी हुनासाथ ईलाका प्रहरी कार्यालय माडीको टोलीले मृतकको टाउकोमा चोट लागेको र घटनास्थलमा खुकुरी फेला परेकोले घटना शङ्कास्पद रहेको छ ।

घटनामा शङ्कित व्यक्ति जिल्ला पूर्वी नवलपरासी, गैँडाकोट नगरपालिका वडा न ७ टोलटोले बस्ने तिर्थ बहादुर कुमालको छोरा वर्ष ३४ को सुरेश बहादुर कुमाल, नियन्त्रणमा लिई थप अनुसन्धान कार्य भई रहेको प्रहरीले जनाएको छ ।