विराटनगर महानगरपालिकाको प्रमुखमा काँग्रेसले अग्रता कायमै

विराटनगर । विराटनगर महानगरपालिकाको प्रमुखमा  नेपाली काँग्रेसले अग्रता कायम गरिरहेको छ । 

मतगणना गरिएको आज साँझ सम्मको परिणाममा महानगरको प्रमुखमा उम्मेदवारी दिनुभएका नेपाली काँग्रेसका नागेश कोइराला २० हजार ७ सय ९५ मत प्राप्त गर्नु भएको छ भने, उहाँलाई नेकपा एमालेका सागरकुमार थापाले १५ हजार ४ सय ३४ मतका साथ पछाई रहनु भएको छ । 

त्यसैगरि महानगरपालिकाको उपप्रमुखमा नेकपा एमालेकी शिल्पा कार्कीले १७ हजार ८ सय ७९ मतका साथ अग्रता कायम गरिरहनु भएको छ भने, उहाँले जनता समाजवादी पार्टी नेपालका अमरेन्द्र यादवले १० हजार ३ सय ९४  मत ल्याएर पछाई रहनु भएको छ । 

महानगरपालिकामा ८९ हजार ६ सय मत खसेकोमा अहिले सम्म ६४ हजार २ सय ८० मत गणना भइसकेको छ ।