महाशिवरात्रिको अवसरमा अशक्त तथा अपाङ्गता भएका व्यक्तिलाई सम्मान
राजविराज । महाशिवरात्रिको अवसरमा राष्ट्रिय एकता अभियानले अशक्त तथा अपाङ्गता भएका व्यक्तिहरूलाई सम्मान गरेको छ ।
अभियानसँग आबद्ध युवाहरूले राजविराजमा रहेको हरि नन्देश्वर महादेव मन्दिरको प्राङ्गणमा मङ्गलवार एक कार्यक्रमको आयोजना गरी अशक्त तथा अपाङ्गता भएको व्यक्तिहरूलाई सम्मान गरिएको हो ।
मन्दिर परिसरमा आउने असक्तहरूलाई मनोबल उच्च पार्न सम्मान स्वरूप दोसल्ला ओढाएर सम्मान गरिएको अभियानका केन्द्रीय उपाध्यक्ष सुनिता साहले बताउनुभयो ।
कार्यक्रममा केन्द्रीय उपाध्यक्ष साहले अशक्तहरूलाई समाजमा सम्मान बढाउन आफूहरूको संस्था सदैव अगाडी रहने बताउनुभयो ।
उहाँले धार्मिक क्षेत्रमा पनि सबैको पहुँच हुनुपर्ने आवश्यक रहेको समेत बताउनुभयो ।
कार्यक्रममा धार्मिक क्षेत्रसँग आबद्ध रहेका विभिन्न सङ्घ संस्थाका प्रतिनिधि तथा व्यक्तिहरूको उपस्थिति रहेको थियो ।
प्रतिक्रिया राख्नुहोस्