तानसेन रिडी सडक खण्ड १५ दिन रातीको समयमा बन्द हुने
पाल्पा । तानसेन–रिडी सडक खण्ड मर्मतका लागि १५ दिन रातीको समयमा बन्द हुने भएको छ ।
सडक डिभिजन कार्यालय पाल्पाले सूचना जारी गर्दै भोलिदेखि फागुन १३ गतेसम्म दैनिक साढे ६ घण्टा सडक बन्द हुन लागेको हो ।
रिब्दीकोट गाउँपालिका २ जोर्ते भीर क्षेत्रको कडा चट्टान काट्नका लागि हरेक दिन बेलुका ९ः०० बजेदेखि बिहान ३ः३० बजेसम्म सम्पूर्ण सवारी आवागमनमा रोक लगाइएको सडक डिभिजन कार्यालय पाल्पाका डिभिजन प्रमुख रामेश्वर लम्सालले जानकारी दिनुभयो ।
सो क्षेत्रमा यसअघि पनि दुई पटक सवारी रोकेर चट्टान काट्ने काम भएको थियो ।
प्रतिक्रिया राख्नुहोस्