बझाङको साइपाल गाउँपालिकाको सबै वडामा बिद्युत् सेवा विस्तार

स्थानीय सरकारको पहल र सहयोगमा  त्यहाँकै  स्थानीय खोलाहरूबाट ग्रामीण लघु जलविद्युत्  निर्माण गरेपछि गाउँपालिका भित्रका सबै घरमा बिद्युत्  सेवा भएको हो  ।

त्यहाँका, धलौन, काँडा, धुली न्युना बलौडी गाउँ अहिले बिद्युत्ले झिलिमिली देखिन्छन् ।  सबै घरधुरीमा अहिले बिद्युत्को सेवा पुगेपछि गाँउलेहरु धेरै खुसी भएका गाउँपालिका अध्यक्ष राजेन्द्र धामीले  बताउनुभयो  ।

भौगोलिक रुपमा विकट यातायातको सुविधा नहुँदा हिँडेर चार पाँच दिनपछि पुगिने यस गाउँपालिकामा अहिले मोबाइल फोन सेवाको सुविधा पनि भएको छ  ।

अव अस्पताल र सडक बाटो जोड्नका लागि सरकारको सहयोग हुनुपर्ने  त्यहाँका बासिन्दाहरूको माग गरेका छन् ।

सदरमुकाम चैनपुर आसपास बिद्युत्को केन्द्रीय प्रसारण लाइनको बिद्युत्  सेवा भए पनि अधिकांश भागमा भने ग्रामीण लघु जलविद्युत्बाट नै बिद्युत्  सेवा भइरहेको छ ।