रुस–युक्रेन युद्धविराम विस्तार हुनेको ट्रम्पको अपेक्षा

वासिङ्टन डिसी । अमेरिकी राष्ट्रपति डोनाल्ड ट्रम्पले रुस र युक्रेन बिच शनिवार देखि सुरु हुन लागेको तीन दिने युद्धविराम सम्झौता विस्तार हुने अपेक्षा व्यक्त गर्नु भएको छ ।

वासिङ्टनमा पत्रकारहरूसँगको साक्षात्कारमा बोल्दै राष्ट्रपति ट्रम्पले युद्ध विरामको  विस्तार हेर्न चाहेको र यसको बलियो सम्भावना रहेको बताउनु भएको छ । 

यस अघि ट्रम्पले रुस र युक्रेनले पनि अस्थायी युद्धविराम सम्झौताको एक चरणका रूपमा एक हजार युद्धबन्दी आदान–प्रदान गर्ने घोषणा गर्नु भएको थियो । उहाँले रूसी राष्ट्रपति भ्लादिमिर पुटिन र युक्रेनी राष्ट्रपति भोलोदिमिर जेलेन्स्कीलाई व्यक्तिगत रूपमा यो प्रस्ताव गरेको र दुवै नेता यसमा सहमत भएको बताउनु भएको छ । 

 राष्ट्रपति ट्रम्पले युद्ध अन्त्य गर्ने उद्देश्यले हाल वार्ता जारी रहेको बताउनु भएको छ । 

संयुक्त राज्य अमेरिकाको मध्यस्थतामा रुस र युक्रेनले तीन दिनको युद्ध विराममा सहमत भएका छन्, जुन मे ९– ११ सम्म  लागु हुने बताइएको छ । रासस