दाङ–२ मा रास्वपा विजयी

दाङ । दाङ निर्वाचन क्षेत्र नम्बर २ बाट राष्ट्रिय स्वतन्त्र पार्टीका उम्मेदवार विपिनकुमार आचार्य निर्वाचित हुनुभएको छ ।

मुख्य निर्वाचन अधिकृतको कार्यालयका अनुसार आचार्यले ४३ हजार ५५९ मत प्राप्त गर्नुभएको छ । उहाँका निकटतम प्रतिद्वन्द्वी नेकपा (एमाले)का शङ्कर पोख्रेलले १५ हजार २८७ मत प्राप्त गर्नुभएको छ । 

यसैगरी, नेपाली कांग्रेसका किरणकिशोर घिमिरेले ११ हजार ५५८ मत प्राप्त गर्नुभएको छ भने नेपाली कम्युनिष्ट पार्टीका निर्मल आचार्यले ७ हजार ८३ मत प्राप्त गर्नुभएको छ ।

उक्त क्षेत्रमा ८२ हजार ३०५ खसेकोमध्ये २० हजार ८६५ मत बदर भएको निर्वाचन अधिकृत प्रकाश प्रसाद पण्डितले जानकारी दिनुभयो ।