कास्कीमा सवा ११ बजेसम्म २० प्रतिशत मत खस्यो

कास्की।कास्की जिल्लामा सवा ११ बजेसम्म करिब २० प्रतिशत मत खसेको छ। निर्वाचन कार्यालय कास्कीका सूचना अधिकारी रुद्र न्यौपानेका अनुसार जिल्लामा कुल ३ लाख ८ हजार मतदाता रहेका छन्।

विहानैदेखि जिल्लाभर शान्तिपूर्ण रूपमा मतदान भइरहेको छ। कास्कीका ३ वटा निर्वाचन क्षेत्रमा १८ दलका ४९ जना उम्मेदवार चुनावी मैदानमा छन्।

जिल्लामा १ सय ५३ मतदान स्थलमार्फत मतदान प्रक्रिया सञ्चालन भइरहेको छ।