राष्ट्रपतिसँग देउवा, ओली र प्रचण्डको सामूहिक भेटवार्ता हुँदै

काठमाडौँ। प्रमुख तीन दलका शीर्ष नेताहरूले आज राष्ट्रपति रामचन्द्र पौडेलसँग सामूहिक भेटवार्ता गर्दै हुनुहुन्छ ।

राष्ट्रपति कार्यालय शीतल निवासमा अपराह्न ३ बजे हुने भेटवार्तामा नेपाली काँग्रेसका सभापति शेरबहादुर देउवा, नेकपा एमालेका अध्यक्ष केपी शर्मा ओली र नेपाली कम्युनिष्ट पार्टीका संयोजक पुष्पकमल दाहाल ‘प्रचण्ड’ सहभागी हुने शीतल निवास स्रोतले जनाएको छ।

भेटवार्तामा पछिल्लो राजनीतिक घटनाक्रम, सरकार सञ्चालन, संसद्‌को अवस्था तथा समसामयिक राष्ट्रिय मुद्दाबारे छलफल हुने बताइएको छ।