झापाबाट एकैदिन ६ जना बेपत्ता

झापा I झापाबाट बेपत्ता हुनेहरूको सङ्ख्या बढ्दै गएको छ । हिजो एकैदिन ६ जना हराएको निवेदन परेको जिल्ला प्रहरी कार्यालय झापाले जनाएको छ ।

प्रहरीका अनुसार हिजो बिहान ८ बजे वैदेशिक रोजगारमा रहेका कन्काई वडा न.४ नवज्योति टोल बस्ने बबिन खड्काकी श्रीमती वर्ष २० की पुनम खड्काले कोही कसैलाई केही जानकारी नगराई साथमा ३ वर्ष छोरा सत्यम खड्कालाई लिई घरबाट गएकोमा गाउँघर, छरछिमेक, आफन्त, नातागोता समेतमा खोजतलास गर्दा हालसम्म फेला परेकी छैनन् ।

त्यस्तै हिजो बिहान अन्दाजी ९ः३० बजे मेचीनगर वडा नं.– १५ बस्ने सोम मुर्मुकी छोरी मानसिक सन्तुलन ठिक नभएकी बर्ष २० की अन्जु मुर्मु घरबाट इटाभट्टा हुँदै उर्लाबारी जान्छु भनी हिडेकोमा हालसम्म घर फर्किएकी छैनन् ।

त्यस्तै शिवसताक्षी वडा नं. ३ पाराबारी बस्ने सुफल मर्डीकी श्रीमती बर्ष–३० की जिना मर्डी असोज ४ गतेदेखि बेपत्ता भएकी छन् । आफ्नै घरबाट कोही कसैलाई केही नभनी निस्केर गएकोमा हालसम्म सम्पर्कमा नआएको परिवारले जनाएको छ ।

त्यस्तै हिजो दिउँसो ४ः३० बजे कन्काई वडा न.५ तुलसीबारी बस्ने कासिना श्रेष्ठको घरमा सानैदेखि बस्दै आएका बर्ष १४ का सुजन हेमरम (सुस्त मनस्थित भएका) कोही कसैलाई केही जानकारी नगराईकन घरबाट हिडेकोमा हालसम्म फर्किएका छैनन् । 

त्यस्तै बुद्धशान्ति वडा नं. ३ बुधबारे बस्ने उमेशजंग राईका छोरा बर्ष १७ का उज्ज्वल राई असोज ७ गतेदेखि बेपत्ता छन् । सो दिन बिहान ६ः३० बजे घरमा कोही कसैलाई जानकारी नगराई हिडेकोमा हालसम्म सम्पर्कमा नआई बेपत्ता नै रहेका छन् ।

हुलियासहित निवेदन परेपछि बेपत्ता हुनेहरूको खोजी भइरहेको प्रहरीले जनाएको छ ।