नवदुर्गाको चौडबान्नीमा जिप दुर्घटना,चारको मृत्यु ६ घाइते

डडेल्धुरा । डडेल्धुरामा जिप दुर्घटना हुँदा चारजनाको मृत्यु भएको छ भने ६ जना गम्भीर घाइते भएका छन् ।

नवदुर्गाको टाँकथलागडा देखि डडेल्धुरातर्फ आइरहेको से१ ज ७३८ नम्बरको जिप दुर्घटना हुँदा चारजनाको घटनास्थलमै मृत्यु भएको हाे ।

दुर्घटनामा नवदुर्गा गाउँपालिका वडा न-५ गजेलाकी ४० वर्षीय तारादेवी अबस्थी,सोही वडाका ७२ वर्षीय कलुदेबी साँउद,नवदुर्गा वडा न-५ का १८ वर्षीय सुरेश साँउद र सोही वडाका २३ वर्षीय सुरेश पार्कीकाे मृत्यु भएको छ । त्यस्तै दुर्घटनामा नवदुर्गा गाउँपालिका वडा न-५ का सवारी चालक ३५ वर्षीय रामबहादुर साँउद,सोही ठाउँका ४८ वर्षीय चन्द्रबहादुर साँउद,सोही ठाउँका ४ वर्षीय प्रितका पार्की,सोही ठाउँका ४३ बर्षिया गणेशबहादुर साँउद र १८ बर्षिया सुशिला बिक गम्भिर घाइते भएका छन् ।

बिहीबार बिहान साँढे ८ बजे नवदुर्गा गाउँपालिका वडा न-५ चौडबान्नी नजिकै रहेको उपल्ली काँडे भन्ने स्थानमा साे दुर्घटना भएको थियो । जिप सडक खण्डबाट झण्डै अढाई सय मिटर तल खसेको छ भने अहिले  उद्धार कार्यमा जिल्ला प्रहरी कार्यालयको टोली घटना स्थल पुगिसकेको छ । 

घाइतेहरूलाई उपचारका लागी डडेल्धुरा अस्पताल ल्याउन लागिएको जिल्ला  प्रहरी कार्यालय डडेल्धुराका प्रहरी निरीक्षक डम्बर विष्टले जानकारी दिनुभएको छ । घटनाको विस्तृत विवरण आउन केही समय लाग्ने जनाएको छ ।