बोलेरो दुर्घटनामा दुई महिलाको मृत्यु

दोलखा।दोलखाको गौरीशंकर गाउँपालिका–४ झ्याकुको बासामा शुक्रबार बेलुका बोलेरो जीप दुर्घटनामा परी दुई जनाको मृत्यु भएको छ।

सिंगटीबाट झ्याकु देपुङ जाँदै गरेको बा १६ च ७६५१ नम्बरको बोलेरो जीप उकालो कच्ची सडकमा ब्रेक फेल भएर दुर्घटना भएको दोलखा प्रहरी प्रमुख डिएसपी ज्ञानकुमार महतोले जानकारी दिनु भयो। दुर्घटनामा झ्याकु देपुङकी ४५ वर्षीया फुलमाया शेर्पा र ३४ वर्षीया डोल्मा शेर्पाको ज्यान गएको हो।

प्रहरीका अनुसार जीप चालक देपुङकै स्थानीय निमा टिकु शेर्पा दुर्घटनापछि फरार छन्, र उनको खोजी भइरहेको छ।