सगरमाथा संवाद सुरु

काठमाडौँ।‘जलवायु परिवर्तन, हिमाल र मानवताको भविष्य’ अवधारणामा केन्द्रित अन्तरराष्ट्रियस्तरको सम्मेलन ‘सगरमाथा संवाद’ सुरु भएको छ । प्रधानमन्त्री केपी शर्माले आज यहाँ आयोजित विशेष समारोहमा संवादको समुद्घाटन गर्नुभएको छ ।

समारोहमा स्वदेशी र विदेशी गरी ३५० जना भन्दा बढी विशिष्ट व्यक्तिको सहभागिता छ । समारोहमा परराष्ट्रमन्त्री एवं संवाद व्यवस्थापन समितिका संयोजक डा आरजु राणा देउवाले विशिष्ट अथितिको स्वागत गर्नुभएको थियो ।

समारोहमा विशिष्ट अतिथिहरुले सम्बोधन गर्ने क्रम जारी छ । आइतबारसम्म सञ्चालन हुने संवादमा उद्घाटन समारोहपछि विषयगत एवं समानान्तर सत्रहरु सञ्चालन हुनेछन् ।

 उद्घाटन समारोहमा कोप २९ को अध्यक्ष मुलुक अजरवैजानका राष्ट्रपतिका जलवायु विज्ञ, भारतका वन तथा जलवायु मामिलामन्त्री भुपेन्द्र यादव र चीनको जनकङ्ग्रेसका स्थायी कमिटीका उपाध्यक्ष सिआओ चीबाट शुभकामना मन्तव्य व्यक्त गर्नुभएको छ।