डडेल्धुरामा अटोको ठक्करबाट चार वर्षीय बालकको मृत्यु 

डडेल्धुरा । डडेल्धुराको आलिताल गाउँपालिका–८ स्थित गोदाम बजार नजिक अटो दुर्घटनामा चार वर्षीय बालकको मृत्यु भएको छ ।

भीमदत्त नगरपालिका ००१ ह ०१२६ नम्बरको अटोले ठक्कर दिँदा आलिताल–४, कैनघाडीका ज्योति विकका छोरा विवेक विकको घटनास्थलमै मृत्यु भएको हो ।  जोगबुढा अस्पतालमा उपचार गराइरहेका बालकको उपचारका क्रममा मृत्यु भएको जिल्ला प्रहरी कार्यालय डडेल्धुराले जनाएको छ । 

जिल्ला प्रहरी कार्यालय डडेल्धुरा सूचना अधिकारी तथा प्रहरी निरीक्षक डम्बर बहादुर बिष्टले घटनाका विषयमा अनुसन्धान भइरहेको र बालकको ठक्करबाट मृत घोषणा भएको बताइएको छ । 

बुडरबाट जोगबुढा जाँदै गरेको अटोले सडकमा आफ्नी आमा ज्योति श्रेष्ठ विकसँगै पैदल हिँडिरहेको अवस्थामा ठक्कर दिएको थियो ।

घटनामा थप दुई जना घाइते भएका छन् । घाइतेहरूको उपचारका लागि जोगबुढा अस्पताल लगिएको प्रहरीले जनाएको छ । अटो चालक भने अहिले फरार रहेका छन् ।