राष्ट्रपति पौडेल र अजरबैजानका उप-विदेशमन्त्री एलनुर मामेडोभबीच भेटवार्ता 

काठमाडौँ  । राष्ट्रपति रामचन्द्र पौडेलसँग अजरबैजानका उप विदेशमन्त्री  एलनुर मामेडोभ (Elnur Mammadov) ले शिष्टाचार भेट गर्नुभएको छ । 

राष्ट्रपति भवन शीतल निवासमा शुक्रबार भएको भेटमा राष्ट्रपति पौडेलले दुई देशबीचको सम्बन्धमा नयाँ प्रगति  भएकोमा खुशी व्यक्त गर्नुहुँदै दुई देशबीचको सहकार्यका क्षेत्रहरूको पहिचान गरी मिलेर काम गर्नुपर्ने बताउनुभयो । उहाँले कोप -२९ मा आफ्नो सहभागिताबारे स्मरण गर्दै आगामी दिनमा दुई देशको सम्बन्ध थप प्रगाढ बन्ने विश्वास व्यक्त  गर्नुभयो ।

उप विदेशमन्त्री  मामोडोभले राष्ट्रपति पौडेलको  अजरबैजान भ्रमणका कारण दुई देशबीचको सम्बन्धमा नयाँ आयम थपिएको बताउँदै ३० वर्षसम्म कुनै  समझदारीपत्रमा हस्ताक्षर हुन नसके  पनि अब कुनै न कुनै समझदारीपत्रमा चाँडै हस्ताक्षर हुने गरी काम भइरहेको जानकारी दिनुभयो ।