भीमनारायण गोल्डकप : एपिएफ विजयी

धनकुटा । सशस्त्र प्रहरीको एपिएफ फुटबल क्लब धनकुटामा जारी सहिद भीमनारायण गोल्डकप फुटबल प्रतियोगिताको सेमिफाइनल प्रवेश गरेको छ । 

बुधवार धनकुटास्थित तल्लो टुँडिखेलमा भएका खेलमा एपिएफले मोरङको बेलवारी फुटबल क्लबलाई ३–१ गोल अन्तरले पराजित गरेको हो  । 

निक्कै प्रतिस्पर्धात्मक खेलको ७आँै मिनेटमा एपिएफका हरि कार्कीले पहिलो गोल गरे । त्यस्तै खेलको ३३ औ मिनेटमा युवराज खड्काले थप गोल गर्दै एपिएफ लाई २–० गोल अन्तरको अग्रता दिलाएका थिए । तर, खेलको ३६आँै मिनेटमा बेलवारीका भुवन बस्नेतले पहिलो आफ्नो टोलीको लागि पहिलो गोल गर्दै अग्रता २–१ मा झारेका थिए । 

यस्तै पहिलो हाफको इन्जुरी समयमा बेलवारीको लागि विदेशी खेलाडी डेनियल कोक्हुले गोल गरेपछि खेल बराबरी हुन पुग्यो। तर दोस्रो हाफको थप गरिएको समयमा बेलवारीका विकु राईले आत्माघाती गोल गरेसँगै सशस्त्र ३–२ गोल अन्तरले विजयी भएको हो ।  खेलको म्यान अफ द म्याच विजेता टिम एपिएफका युवराज खड्का घोषित भए । उनले नगद ५ हजार रुपैयाँ पुरस्कार प्राप्त गरे ।

प्रतियोगिता अन्तरगत बिहीबार सेमिफाइनलका खेल हुने आयोजकले जनाएको छ । जसअन्तर्गत बिहीबार नमोबुद्ध युथ फुटबल क्लब सप्तरी र विर्तामोड युनाइटेड क्लब झापाबीच पहिलो सेमिफाइनल खेल हुनेछ । 

यस्तै शुक्रबार गाईघाट फुटबल क्लब उदयपुर र सशस्त्र प्रहरी बल काडमाडाँैबीच दोस्रो सेमिफाइनलमा खेल हुने आयोजकले जनाएको छ । 

चैत २३ गतेसम्म सञ्चालन हुने प्रतियोगिताको बिजेताले नगद ५ लाख रुपैयाँ र उप बिजेताले २ लाख ५० हजार रुपैयाँ पुरस्कार पाउने आयोजकले जनाएको छ । 

२०५५ सालमा स्थापित गोल्डकप २०६३ सालपछि नियमित हुँदै आएको छ । 

विराटनगरमा तत्कालीन राजा वीरेन्द्रलाई बम हानेको आरोपमा पक्राउ परेका भीमनारायण श्रेष्ठलाई २०३५ सालमा गोली हानी हत्या गरिएको थियो ।  सरकारले श्रेष्ठलाई २०७३ सालमा राष्ट्रिय सहिद घोषणा गरेको थियो ।