‘निजी क्षेत्रलाई राज्यले प्रोत्साहन गर्न थालेको छ’

। नेपाल उद्योग वाणिज्य महासङ्घका अध्यक्ष चन्द्रप्रसाद ढकालले निजी क्षेत्रलाई राज्यले प्रोत्साहन गर्न थालेको बताउनुभएको छ ।

बागलुङ उद्योग वाणिज्य सङ्घको ६१ औँ वार्षिक साधारणसभा समारोहलाई शुक्रबार सम्बोधन गर्दै अध्यक्ष ढकालले पछिल्लो समय केही भएन भन्ने मानसिकता त्याग्न पनि आग्रह गर्नुभयो ।

बागलुङमा कालीगण्डकी करिडोर र मध्यपहाडी लोकमार्गका कारण सम्भावनाको ढोका खोलेको भन्दै पर्यटन र जलविद्युतबाट बागलुङलाई समृद्ध बनाउन सकिने उहाँको भनाई छ ।

बागलुङमा पछिल्लो समय पर्यटकीय गतिविधि बढेकाले गृह जिल्लामा सुविधा सम्पन्न होटल सञ्चालनमा ल्याएको बताउनुभयो ।

१० अर्ब लगानीको नयाँ कम्पनी सञ्चालनमा ल्याएको बताउँदै अध्यक्ष ढकालले अब लगानीको समस्या नभएको बताउनुभयो । उहाँले पर्यटकीय पूर्वाधार, धार्मिक क्षेत्र, साहसिक पर्यटनमा नेपालको राम्रो सम्भावना रहेको बताउनुभयो ।