आर्मीलाई हराउँदै एपीएफले जित्यो महिला गोल्डकपको उपाधि
इलाम । दुई विभागीय टोली आर्मी र एपीएफ क्लब भएको दोस्रो अन्तर्राष्ट्रिय आमन्त्रित महिला गोल्डकपको उपाधि एपीएफले जितेको छ । आजको भएको फाइनल खेलमा विभागीय टोली आर्मीलाई २-१ गोल अन्तरले हराउँदै एपीएफले उपाधि कब्जा गरेको हो ।

सुरुवातबाट नै आर्मीविरुद्ध हाबी भएको एपीएफले खेलको २५ औ मिनेटमा पेनाल्टीबाट गोल गर्दै सुरुवाती अग्रता लिएको थियो । एपीएफकि सविता रानालाई आर्मीको डि बक्स एरियामा फल्ड गरेपछि पाएको पेनाल्टी लाई गीता रानाले सदुपयोग गर्दै गोल गरिन । आर्मीले पनि पहिलो हाफमा थुप्रै अवसरहरू सदुपयोग गर्न सकेन ।

पहिलो हाफमा १ गोल गरेको एपीएफले दोस्रो हाफमा पुनः गोल गर्दै अग्रतालाई दोब्बर बनायो । दोस्रो हाफमा एपीएफकि सविता राना मगरले गोल गर्दै अग्रतालाई दोब्बर बनायो । आर्मीले दोस्रो हाफमा गोल गर्दै अग्रतालाई कम गर्यो । आर्मीको लागि फरवार्ड बिमला चौधरीले गोल गर्दै अग्रता घटाएकी थिइन । अन्तिम समयसम्म आर्मीले खेलमा फर्किन कोसिस गरे पनि सकेन । उपाधिसँगै एपीएफले नगद रु ४ लाख र आकर्षक ट्रफी प्राप्त गर्यो । उपविजेता बनेको आर्मीले नगद रु २ लाखमा चित्त बुझायो ।
आजको खेलको प्लेयर अफ दी म्याच एपीएफकि सविता राना मगर घोषित बनिन् । उनले नगद ५ हजार, ट्रफी मेडल र प्रमाणपत्र प्राप्त गरिन । उत्कृष्ट गोल रक्षक आर्मीकी अञ्जना राना घोषित बनिन्, उनले १० हजार र ट्रफी प्राप्त गरिन । उत्कृष्ट डिफेन्डर आर्मीकै बिमला बिक उनले पनि नगद रु १० हजार र ट्रफी प्राप्त गरिन् । त्यस्तै सर्वाधिक गोलकर्ता एपीएफकि रश्मि कुमारी घिसिङ उनले नगद १० हजार र ट्रफी प्राप्त गरिन । खेलको उत्कृष्ट मिडफिल्डर एपीएफकि रेनुका नगरकोटी उनले पनि १० हजार सहित ट्रफी प्राप्त गरिन । सर्वोत्कृष्ट खेलाडी एपीएफकि अनिता बस्नेत घोषित भइन उनले नगद रु १५ हजार र ट्रफी प्राप्त गरिन् ।
ओएसिस क्लब इलामको आयोजनामा गत फागुन १७ गतेबाट सुरु भएको दोस्रो अन्तर्राष्ट्रिय आमन्त्रित महिला गोल्डकपमा ८ टिमले सहभागिता जनाएका थिए ।
प्रतिक्रिया राख्नुहोस्