मध्यमा मिथिला परिक्रमा नेपाल–भारतको सांस्कृतिक धरोहर : प्रदेश प्रमुख भण्डारी

जनकपुरधाम । धनुषाको मथिला बिहारी नगरपालिकाको कचुरीस्थित मिथिला बिहारी मन्दिरबाट मिथिलाका महाकुम्भ मानिएका १५ दिने मध्यमा मिथिला परिक्रमा शुरु भएको छ । 

मध्यमा मिथिला परिक्रमको डोराको शुभारम्भ कार्यक्रममा बोल्दै मधेश प्रदेशका प्रदेश प्रमुख सुमित्रा सुवेदी भण्डारीले मिथिला क्षेत्रको ऐतिहासिक र सांस्कृतिक महत्व बोकेको मध्यमा मिथिला परिक्रमाले यस क्षेत्रको पर्यटन प्रवद्र्धनमा ठूलो मद्दत गरेको बताउनु भयो । 

प्रदेश प्रमुख भण्डारीले मिथिला बिहारी नगरपालिकाको नामकरणलाई एक धार्मिक स्थानको पहिचानको रूपमा व्याख्या गर्दै यस क्षेत्रको महत्वलाई अझ प्रगाढ बनाएको बताउनुभयो । उहाँले यस क्षेत्रलाई पवित्र विहार गर्ने स्थलको रूपमा चिनाउने कुरा पनि साझा गर्नुभयो ।

भण्डारीले भन्नुभयो, ‘मिथिला बिहारी क्षेत्रको नामाकरण धार्मिक आस्थाको प्रतीक हो । यस क्षेत्रले धार्मिक र सांस्कृतिक धरोहरलाई प्रगति र समृद्धिको पथमा अघि बढाएको छ ।’

परिक्रमा यात्रा नेपाल र भारतका विभिन्न स्थानमा १५ दिनसम्म यात्रा गर्दै पुगिन्छ । यस परिक्रमाले न केवल धार्मिक आस्थालाई बलियो बनाउँछ, बरु यसले विभिन्न संस्कृतिहरूको संगमको रूपमा समाजलाई एकजुट राख्ने कार्य पनि गर्दछ ।

प्रमुख अतिथि भण्डारीले भन्नुभयो, ‘यो धार्मिक यात्रा दुई देशका नागरिकहरूको बीचमा सद्भाव, आत्मीयता र सहयोगको सन्देश प्रवाह गर्ने अवसर हो । यसले नेपाल र भारत बीचको कूटनीतिक, धार्मिक र पारस्परिक सम्बन्धलाई अझ मजबुत बनाउन मद्दत पुर्‍याउने छ ।’

प्रदेश प्रमुख भण्डारीले भगवान् रामकी धर्मपत्नी सीता माताको अर्को नाम मिथिला रहेको कुरा उल्लेख गर्दै भन्नुभयो, ‘मिथिला क्षेत्र पवित्र विहार गर्ने स्थलको रूपमा चिनिन्छ र यसको ऐतिहासिक, धार्मिक तथा सांस्कृतिक महत्व अनमोल छ ।’ मिथिला परिक्रमा यात्रा केवल एक धार्मिक यात्रा मात्र नभई सांस्कृतिक धरोहरको रुपमा पनि महत्त्वपूर्ण छ ।

परिक्रमा यात्राभरि विभिन्न धार्मिक प्रवचन, भजन कीर्तन र सत्संगहरूको आयोजना गरिनेछ । यसले यात्राको आध्यात्मिक महत्त्वलाई अझ स्पष्ट बनाउँछ । यस परिक्रमा यात्राले केवल धार्मिक आस्था बलियो बनाउन मात्र नभई नेपाल र भारतका विभिन्न सांस्कृतिक स्थलहरूमा विश्राम गर्दै धार्मिक एकता र सांस्कृतिक आदानप्रदानको प्रचार पनि गर्नेछ ।

मिथिला माध्यमिकि परिक्रमा १५ दिनसम्म चल्नेछ । यसमा नेपाल र भारतका विभिन्न धार्मिक स्थलहरूमा विश्राम गर्दै भक्तजनहरू भगवान् मिथिला बिहारी, किशोरीजी र अन्य प्रमुख धार्मिक स्थलहरूको दर्शन गर्नेछन् । यात्राको समापन जनकपुरधाममा पञ्चकोसी परिक्रमा र जानकी मन्दिरको दर्शनसँग हुनेछ ।

प्रदेश प्रमुख भण्डारीले स्थानीय बासिन्दाहरूसँग एकजुट भएर यात्रामा सहभागी हुने साधुसन्त, सन्यासी, नागा र अन्य श्रद्धालुहरूको स्वागत र सम्मान गर्न आग्रह गरिन् । उनले यस परिक्रमा यात्राले नेपाल र भारतका धार्मिक र सांस्कृतिक पहिचानलाई अझ प्रगाढ बनाउने विश्वास व्यक्त गर्नुभयो ।

मिथिला परिक्रमा केवल एक धार्मिक यात्रा मात्र नभई यसले नेपाल र भारतका बीचमा धार्मिक, सांस्कृतिक र कूटनीतिक सम्बन्धलाई बलियो बनाउने अवसर पनि प्रदान गर्दछ । यस यात्रा मार्फत दुई देशका जनताबीच आपसी सद्भाव र प्रेमलाई प्रगाढ बनाउने अवसर सृजना हुन्छ ।