डडेल्धुराको परशुरामबाट सुरु हुने भयो एमालेको जरा अभियान  

डडेल्धुरा । डडेल्धुराको परशुराम नगरपालिकाबाट यही फागुन ७ गतेबाट जरा अभियान सुरु हुने भएको छ । 

नेकपा एमाले परशुराम नगर कमिटीको छैटौँ पूर्ण बैठकबाट शनिबार सम्पन्न भएको बृहत् नगर भेलाले प्रजातन्त्र दिवसको अवसरमा जरा अभियान सुरु गर्ने निर्णय गरेको हो । 

परशुराम नगर कमिटी अध्यक्ष ओमप्रकाश जोशीको अध्यक्षतामा भएको बैठक तथा अभिमुखीकरण कार्यक्रमको प्रमुख अतिथि नेकपा एमाले केन्द्रीय सदस्य तथा डडेल्धुरा इन्चार्ज पठानसिंह बोहरा रहनुभएको थियो । नगर भेलामा सहभागी नेता कार्यकर्ताहरूलाई प्रशिक्षण दिँदै एमाले केन्द्रीय सदस्य बोहराले जरा अभियान कार्यक्रमलाई बस्तीसम्म पुर्‍याउन कार्य योजना निर्माण गरिनुपर्नेमा जोड दिनुभयो । 

कार्यक्रममा नेकपा एमाले डडेल्धुराका अध्यक्ष गजेन्द्र शाहीले जरा अभियान कार्यक्रमको कार्ययोजना प्रस्तुत गर्दे अभियानलाई उपलब्धिमूलक बनाउने गरि अघि बढ्न नेता कार्यकर्तालाई आग्रह गनुभयो ।