फिदिम भेट्रान्स गोल्डकपः दुधे र रेड स्टार भेट्रान्स क्लब सेमिफाइनलमा
पाँचथर । पाँचथरको फिदिममा सञ्चालन भइरहेको अन्तर्राष्ट्रिय आमन्त्रण दोस्रो फिदिम भेट्रान्स गोल्डकपमा दुधे भेट्रान्स झापा र रेड स्टार भेट्रान्स क्लब झापा सेमिफाइनलमा प्रवेश गरेका छन् ।
बिहीबार फिदिम मा.वि.को खेलमैदानमा सम्पन्न पहिलो खेलमा आयोजक दुधे भेट्रान्स क्लब झापाले स्काइ क्लब धरानलाई टाइब्रेकरमा ४–२ गोल अन्तरले पराजित गर्दै दुधे भेट्रान्सले सेमिफाइनलको यात्रा तय गरेको हो ।
यस्तै, आजै सम्पन्न दोस्रो खेलमा रेड स्टार क्लब झापाले गोरखा भेट्रान्स इलामलाई ३–० गोल अन्तरले पराजित गर्दै रेड स्टार क्लब सेमिफाइनलमा पुगेको हो ।
फिदिम भेट्रान्स क्लबको आयोजनामा आगामी माघ १२ गते सम्म सञ्चालन हुने प्रतियोगिताको विजेताले नगद १ लाख ५ हजार ५ सय ५५ रुपैयाँ र उपविजेताले ५५ हजार ५ सय ५५ रुपैयाँ प्राप्त गर्ने आयोजकले जनाएको छ ।
प्रतिक्रिया राख्नुहोस्