चौदण्डीगढी नगरपालिकामा मेयर कप फुटबल प्रतियोगिता हुँदै

उदयपुर । यहाँको चौदण्डीगढी नगरपालिकामा सोमबारदेखि छैटौँ संस्करण मेयर कप फुटबल प्रतियोगिता आयोजना हुने भएको छ ।

नगरको बसाहास्थित नारदमुनि खेल मैदानमा औपचारिक रूपमा मेयर कप प्रतियोगिता फुटबल खेल प्रतियोगिता सञ्चालनको तयारी पूरा गरिएको चौदण्डीगढी नगर खेलकुद विकास समितिका अध्यक्ष नन्दु मगरले बताउनुभयो । 

नगरभित्रका आठ समूहले खेलमा सहभागिता जनाउने नगर खेलकुद विकास समितिले जानकारी दिएको छ । प्रतियोगितामा प्रथम हुनेलाई नगद रू ५५ हजार र कप प्रदान गरिनेछ भने दोस्रो टिमलाई नगद रू ३५ हजार र प्रमाणपत्र प्रदान गरिनेछ ।