गोली हानेर श्रीमतीको हत्या 

डडेल्धुरा । डडेल्धुरामा आफ्नै श्रीमानले बन्दुक पड्काएर श्रीमतीको हत्या गरिएको छ । हिजो (सोमबार) साँझ १६ः३० बजे जिल्लाको अमरगढी नगरपालिका–३ पथरोडाका ३२ वर्षीय डम्बरबहादुर थापा मगरले मादक पदार्थ सेवन गरेर आफ्नै श्रीमतीलाई गोली हानेर हत्या गरेका हुन । घरायसी वादविवाद हुँदा आफ्नै घर आगनमा उनले २४ वर्षीया श्रीमती अस्मिता थापा मगरलाई एकनाले भरुवा बन्दुकले छातीमा गोली हानी हत्या गरेको जिल्ला प्रहरी कार्यालय डडेल्धुराले जनाएको छ । 

 प्रहरीले घटनास्थलबाटै बन्दुक सहित भाग्दै गरेको अवस्थामा मृतकका श्रीमान् थापालाई पक्राउ गरि हिरासतमा लिइएको डडेल्धुरा प्रहरी प्रमुख सुघन्द श्रेष्ठले जानकारी दिनुभएको छ । 

 मादक पर्दाथ  सेवन गरेका मृतकका श्रीमानले सामान्य घरायसी विवाद लिएर हत्या गरेको प्रहरीको प्रारम्भिक अनुसन्धानबाट खुल्न आएको बताएको छ । श्रीमतीलाई गोली हानेर हत्या गरेको खबर प्राप्त भएपछि जिल्ला प्रहरी कार्यालय डडेल्धुराबाट प्रहरी नायब उपरिक्षक श्रेष्ठको नेतृत्वमा गएको टोलीले भरुवा बन्दुकसहित भाग्दै गरेको अवस्थामा थापा मगरलाई नियन्त्रणमा लिएको जनाएको छ । यस विषयमा थप अनुसन्धान भइरहेको प्रहरी कार्यालय डडेल्धुराले जानकारी दिएको छ ।