राजारानीमा छैटौँ चौबिसे रनिङ कप फुटबल हुने

धनकुटा । धनकुटाको राजारानी, चौबिसेमा खुल्ला पुरुष तथा महिला छैटौँ रनिङ चौबिसे कप फुटबल प्रतियोगिता हुने भएको छ ।

चौबिसे गाउँपालिकाले पत्रकार सम्मेलनको आयोजना गरी चौबिसे कप हुने जानकारी गराएको हो । चौबिसे गाउँपालिका–२, मुढेवास स्थित त्रिवेणी खेल मैदानमा आगामी माघ १ गते देखि ४ गतेसम्म हुने भएको हो ।

प्रतियोगितामा चौबिसे गाउँपालिका भित्रका पुरुष र महिलाको ८÷८ टिमको सहभागिता रहने आयोजक चौबिसे गाउँपालिकाले जनाएको छ ।

खेलको विजेता टिमले पुरुषतर्फ ६५ हजार र उपविजेताले ३५ हजार रुपैयाँ नगद ट्रफ्री र मेडल पत्र प्राप्त गर्नेछन्। यस्तै महिलातर्फ विजेताले नगद ५० हजार र उपविजेताले ३५ हजार नगद ट्रफी र मेडल प्राप्त गर्ने चौबिसे गाउँपालिका खेलकुद बिकास समिति संयोजक तथा वडा नं. ८ का वडाध्यक्ष धनबहादुर लिम्बुले जानकारी दिनुभयो ।

स्थानीय स्तरमा खेलाडी उत्पादन गर्ने र खेलाडीलाई प्रोत्साहन गर्ने उद्देश्यले हरेक वर्ष चौबिसे गाउँपालिकाको आयोजना तथा गाउँपालिका खेलकुद विकास समितिको संयोजनमा चौबिसे कप हुँदै आएको छ ।