डिउटीमा खटाइएका प्रहरी सहायक हवल्दारको मृत्यु 

डोटी। डोटीमा डिउटीमा खटाइएका एक प्रहरी सहायक हवल्दारको मृत्यु भएको छ । 

इलाका प्रहरी कार्यालय बिपिनगरमा कार्यरत डडेल्धुरा जिल्लाको भागेश्वर गाउँपालिका ५ का प्रहरी सहायक हवल्दार बहादुर सिंह पालीको मृत्यु भएको जिल्ला प्रहरी कार्यालय डोटीले जानकारी दिएको छ । 

कार्यालय डिउटीमा खटाइएका पालिको एक्कासी छाती दुखेर बेहोस हुँदा उपचारको लागि तत्काल स्थानीय बिपिनगर पोलिक्लिनकमा सामान्य चेकजाँच पश्चात् थप उपचारको लागि बिहान ४ बजे धनगढी रेफर गरिएको थियो । 

बिहान ६ : ४० बजेको समयमा सेती प्रादेशिक अस्पताल धनगढीमा डाक्टरले चेकजाँच गर्दा मृत घोषणा गरेको जिल्ला प्रहरी कार्यालय डोटीका प्रहरी नायव उपरीक्षक भिमलाल भट्टराईले बताउनुभयो ।