विंगर र मोटरसाइकल आपसमा ठोक्किँदा चार जना घाइते

कञ्चनपुर । पूर्वपश्चिम राजमार्ग अन्तरगत कञ्चनपुरको कृष्णपुर नगरपालिका–२ बङ्क नजिकै विंगर र मोटरसाइकल आपसमा ठोक्किँदा चार जना घाइते भएका छन् । 

महेन्द्रनगरबाट धनगढीतर्फ जाँदै गरेको सुपप्र ०२–०४१६ नंको विंगर र कृष्णपुर –२ बङ्कबाट झरालीतर्फ आइरहेको से ४ प १६६१ नम्बरको मोटरसाइकल ठोक्किएर दुर्घटना हुँदा मोटरसाइकलमा सवार कृष्णपुर वाणी मुक्तकमैया शिविरका नारदमुनि राना,पुष्प चौधरी,सन्तोष चौधरी र विंगरमा सवार जय बहादुर कुँवर घाइते  भएको प्रहरीले जनाएको छ।

घाइते मायामेट्रो अस्पताल धनगढीमा उपचार भइरहेको छ । विंगर र चालकलाई नियन्त्रणमा लिएर अनुसन्धान गरिरहेको अस्थायी प्रहरी पोष्ट वाणीका प्रहरी सहायक निरीक्षक ललित बटालाले जानकारी दिनुभएको छ ।