प्रहरी नायब महानिरीक्षकद्वय सिंह र बोहराको बढुवा

काठमाडौँ । मन्त्रिपरिषद्ले नेपाल प्रहरीको जनपद समूहतर्फ रिक्त रहेको प्रहरी अतिरिक्त महानिरीक्षक पदमा प्रहरी नायब महानिरीक्षकद्वय दुर्गा सिंह र भरतबहादुर बोहरालाई बढुवा गर्ने निर्णय गरेको छ ।

यही पुस ५ गते बसेको मन्त्रिपरिषद् बैठकले डिआइजीद्वयलाई एआइजीमा बढुवा गर्ने निर्णय गरेको हो । बढुवा भएका दुवैलाई क्रमशः प्रहरी प्रधान कार्यालय, मानवस्रोत विकास विभाग र प्रहरी प्रधान कार्यालय प्रदेश समन्वय विभागमा पदस्थापन गर्ने निर्णय गरेको छ ।