आदर्श कप फुटबल : आर्मीसँगको भिडन्तमा सशस्त्र विजयी

पोखरा । शनिबारदेखि कास्कीको लेखनाथमा जारी २५ औँ आर्दश कप फुटबल प्रतियोगिताको दोस्रो दिन भएको खेलमा सशस्त्र प्रहरी बल गण्डकी मुख्यालय ३–१ गोल अन्तरले विजयी हुँदै सेमिफाइनल प्रवेश गरेको छ ।

आदर्श युवा क्लबको आयोजनामा भएको प्रतियोगितामा सहभागी आठ टिममध्ये आइतबार भएको खेलमा नेपाल आर्मी, सिद्धि दल गण पश्चिम पृतनाको टिमलाई सशस्त्र प्रहरी बल गण्डकी मुख्यालय (एपीएफ) ले ३–१ गोल अन्तरले पराजित गरेको हो ।

आइतबारको खेलको म्यान अफ दी म्याचको उपाधि सशस्त्रका प्रविन स्याङतानले प्राप्त गरेका छन्, उनले टर्फीसहित नगद पाँच हजार पुरस्कार पाए ।

‘निरन्तरता हाम्रो प्रतिबद्धता, फुटबल खेलको विकास हाम्रो दृढता’ भन्ने मुल नाराका साथ आदर्श युवा क्लबको आयोजनामा मङ्सिर २२ देखि २९ गतेसम्म हुने प्रतियोगिताको मुख्य प्रायोजक शौर्य सिमेन्ट रहेको छ ।

प्रतियोगिताको विजेतालाई नगद ४ लाख २५ हजार ५ सय २५ रुपैयाँ र उपविजेतालाई २ लाख २५ हजार ५ सय २५ रुपैयाँ सिल्ड, मेड र प्रमाणपत्र प्रदान गरिने छ ।