युवाहरूबिच कुटपिट हुँदा एक जनाको मृत्यु

रुपन्देही । रुपन्देहीमा युवाहरूबिच कुटपिट हुँदा एक जनाको मृत्यु भएको छ। आफ्नै भतिजा र साथीभाइको कुटपिटबाट मायादेवी गाउँपालिका–७ बैरीहवाका ३५ वर्षीय राजु शाहनीको मृत्यु भएको प्रहरीले जनाएको छ ।

मदिरा सेवन गरी झगडा हुँदा भतिजा २१ वर्षीय अजय शाहनी र २९ वर्षीय राजकुमार कुर्मीले राजुमाथि कुटपिट गरेका थिए। गम्भीर घाइते भएका शाहनीलाई भिम अस्पताल लगिएकोमा उपचारका क्रममा मृत्यु भएको जिल्ला प्रहरी कार्यालय रुपन्देहीले जनाएको छ।

कुटपिटमा संलग्न २ जनालाई प्रहरीले नियन्त्रणमा लिएको छ। उनीहरू विरुद्ध कर्तव्य ज्यान मुद्दा दर्ता गरी अनुसन्धान अघि बढाइएको जिल्ला प्रहरी कार्यालय रुपन्देहीका सूचना अधिकारी डिएसपी लक्ष्मी खनालले जानकारी दिनुभयो ।