हेटौँडा १२ को अध्यक्षमा रास्वपाको उम्मेदवारी दर्ता

मकवानपुर  । आगामी मङ्सिर १६ गते हुने स्थानीय तह उपनिर्वाचनका लागि हेटौँडा उपमहानगरपालिका १२ को अध्यक्षकालागी राष्ट्रिय स्वतन्त्र पार्टी (रास्वपा) ले उम्मेदवारी दर्ता गराएको छ । हेटौँडा–१२ को वडाध्यक्ष पदका आसावीर बलले आइतबार पहिलो उम्मेदवारी दर्ता गराउनु भएको हो ।

रास्वपा मकवानपुरका सदस्य चन्द्रबहादुर स्याङ्तानको समर्थक तथा राजदेव लामाको प्रस्तावकमा वडाध्यक्ष पदका उम्मेदवार बलले उम्मेदवारी दर्ता गराउनु भएको हो । अघिल्लो स्थानीय तह निर्वाचनमा मुख्यतः माओवादी केन्द्र, नेपाली कांग्रेस र नेकपा एमालेको चुनावी भिडन्त भएको यस वडामा रास्वपाले आफ्नो उम्मेदवार खडा गरेको हो । २०७९ वैशाखमा सम्पन्न स्थानीय तह निर्वाचनमा निर्वाचित वडाअध्यक्ष ललितबहादुर घलान जिल्ला समन्वय समिति प्रमुखमा निर्वाचित भएपछि यहाँको वडाध्यक्ष पद रिक्त भएको थियो।