बागलुङमा यात्रुवाहक बस दुर्घटना हुँदा २१ जना घाइते

रुकुमपूर्व । बागलुङको निसीखोलामा यात्रु बाहक बस दुर्घटना हुँदा २१ जना घाइते भएका छन् ।

मध्यपहाडी लोकमार्गको बागलुङ खण्ड अन्तरगत निसीखोला गाउँपालिका –६ जाहुलेपानी भन्ने स्थानमा यात्रुवाहक दुर्घटना भएको हो ।

रुकुम पूर्वको रुकुमकोटबाट काठमाडौँ जाँदै गरेको ना८ख ८४१४ नम्बरको बसमा ४० देखी ४५ जना यात्रु सवार रहेको प्रारम्भिक जानकारीमा आएको जिल्ला प्रहरी कार्यालय बागलुङका सूचना अधिकारी सुनिल शर्मा चिलवालले जानकारी दिनुभयो ।

चिलवालका अनुसार दुर्घटनामा चार जना गम्भीर र १७ जना सामान्य घाइते भएका छन् ।

लागि छुटेको रात्रि बस दिउँसो ४ः३० बजेको समयमा दुर्घटना भएको थियो । घाइतेलाई उपचारका लागि ढोरपाटन नगरपालिकाको बुर्तिबाङ प्राथमिक स्वास्थ्य केन्द्रमा पठाइएको छ ।

बस ब्रेक फेल भएर दुर्घटना भएको प्रारम्भिक अनुमान प्रहरीको रहेको छ । घटनाको थप विवरण भने आउन बाँकी रहेको छ । दुर्घटनामा चालक भने सकुशल रहेको बताइएको छ । घ

घटनास्थलमा उद्धारका लागि प्रहरीको टोली पुगेको छ ।