बाजुरामा भिर बाट लडेर एक जनाको मृत्यु 

बाजुरा । बाजुरामा भिर बाट लडेर एकजनाको मृत्यु भएको छ।

मृत्यु हुनेमा जिल्लाको बुढिनन्दा नगरपालिका वडा नम्बर-३ सिराडिका ४५ वर्षीय बजिर चदारा रहेका छन्। पारिवारिक कामले छिमेकी गाउँ बुढिनन्दा नगरपालिका ३ बड्डाला गएका चदाराको काम सकेर घर फर्किने क्रममा सिराडी र बड्डाला गाउँको बिचमा पर्ने भिर बाट लडेर मृत्यु भएको जिल्ला प्रहरी कार्यालय बाजुराले जनाएको छ।

पारिवारिक कामले बड्डाला गएका मृतक चदारा अबेर साँझ सम्म घर नफर्किएपछि स्थानीयले खोजी गर्दा भिर बाट लडेर घटना स्थलमै मृत्यु भएको अवस्थामा फेला पारेको आफन्त शङ्कर चदाराले बताउनुभयो ।

घटनाको थप विवरण सङ्कलनका लागि अनुसन्धान जारी रहेको प्रहरीले जनाएको छ।