मिनी ट्रक दुर्घटना हुँदा तीन जनाको मृत्यु

सल्यान । सल्यानमा मिनी ट्रक दुर्घटनामा परी मृत्यु हुनेको सङ्ख्या तीन पुगेको छ ।

मृत्यु हुनेमा स्थानीय १४ वर्षका गोवद्र्धन खड्का, १२ वर्षीय डिल्ली भन्ने अनिल भण्डारी, १३ वर्षीया सिर्जना बस्नेत रहेको कपुरकोट गाउँपालिकाका उपाध्यक्ष प्रकाश भण्डारीले जानकारी दिनुभयो । उहाँका अनुसार दुई जनाको घटनास्थलमै र एक जनाको बाटोमा मृत्यु भएको हो ।

यस्तै दुर्घटना परी ९ जना घाइते भएका छन् । जिल्ला प्रहरी कार्यालयका सूचना अधिकारी प्रहरी निरीक्षक रेशमबहादुर खत्रीले घाइते भएका सबैलाई उपचारका लागि सल्यान जिल्ला अस्पताल, कपुरकोट गाउँपालिकाको अस्पतालमा राखिएको जानकारी दिनुभयो । उहाँका अनुसार केही घाइतेहरूको अवस्था गम्भीर रहेको छ ।

सल्यानको कपुरकोट गाउँपालिका ६ सिनबाङको दुबेदेबाट धान र पराल लिएर सिनबाङ जाँदै गरेको मिनीट्रक सोमबार बेलुकी करिब ६ बजे सडकदेखि १ सय ५० मिटर तल खसेको छ ।