महोत्तरीमा मोटरसाइकलको ठक्करबाट एक जनाको मृत्यु

महोत्तरी । महोत्तरीमा मोटरसाइकलको ठक्करबाट एक साइकल यात्रीको आज बिहान मृत्यु भएको छ ।

बर्दिबास(जलेश्वर सडक खण्डको औरही नगरपालिका १ औरही बजार चौक भन्दा करिब १५० मिटर उत्तरमा ज १२ प ८८३५ नम्बरको मोटरसाईकलले ठक्कर दिँदा साइकल यात्री बर्दिबास नगरपालिका १२ बिजलपुरा चल्की टोल निवासी ७० वर्षीय इस्लाम अन्सारीको मृत्यु भएको हो ।

औरही बजार तर्फ आउँदै गरेका अन्सारीलाई तीव्र गतिमा रहेको मोटरसाईकलले ठक्कर दिएको थियो । घाइते अन्सारीको औरही नगरपालिका १ औरही बजारमा रहेको राधाकृष्ण हस्पिटलमा प्रारम्भिक उपचार गरी बर्दिबास अस्पताल लैजाने क्रममा बाटो मै मृत्यु भएको ईलाका प्रहरी कार्यालय गौशालाका प्रहरी निरीक्षक सूर्य बहादुर राणा मगरले जानकारी दिनुभएको छन् ।

ठक्कर दिने मोटरसाइकल चालक गौशाला नगरपालिका ६ फुलकहाका अन्केश यादव र मोटरसाइकल प्रहरी नियन्त्रणमा रहेको छ।